Amici o "Aggregati"?
Fameja Alpina > Toni e Bepi
Toni e Bepi
di Isidoro Perin
Amici o "Aggregati"?
- Ciao Toni! Bevi un'ombra che fén 'na cantada!
- Sta bon, che 'i me ciàpa par do inbriaghi.
- Varda che a pi'de un mese vàe cantar sul coro.
- Ma éo un coro ANA?
- Sì, po'! Te à sentìi ancora cantar
- Sì, sì! Però me par che pi'de qualchedun no l'è alpin.
- Te à rasòn, 'i è"amissi dei alpini".
- E parché 'i porta el capèl?
- Parchè bisogna stropar un ocio, cpme fatu star sul palco chi col capèl, chi co ‘a bareta da stupido?
- Ahh! Ma el regoeamento parla ciaro: intanto no ‘i se ciama amissi ma “aggreegati”.
- Intanto “Aggregati” l’è ‘na paròea che no me piase: come se fa ciamar “ag-gre-ga-to” un amigo.
- E dopo de ani te poi farlo deventar “aiutante”.
- Che me par de tratarlo come un servo, pensar che tante volte ‘i è diese volte pì bravi de noaltri.
- Qua ed regoeamento no lìè massa ciaro: ‘a diression dell’ANA no la è mai riussìa a risolver el problema fin in fondo.
- Sarà el caso che i se dàe ‘na mossa ànca parchè oramai sen drìo deventar veci.
- La fén tant granda col capèl quando che ‘i lo porta ànca i tosatéi, compresi quei che à fat a “mininaja”.
- A proposito del capèl situ ‘ndat ae cerimonie del quatro novembre?
- E ò vist quanta zent che vol conosser ‘a storia e che vol render onor ai nostri Eroi morti sua Prima GueraMondiae; l’Ossario de Nervesa el ièra pien de zente.
- Àtu ist ànca el curidoio serà parché casca ‘e lapidi?
- Sì! E me à fat vegner su el magon.
- Ièra cussì difissie trovr un murer e do cariòe de malta?
- No caro mio, la ghe vol tanta de chea burocrassia che te passa ‘a vòia.
- Satu cossa che ò da dirte! Ssperen che no vegne ‘na guera!
- Se va par quel el spese ànca mi, ma parché?
- Parché se e robe sta cussì la perdén de sicuro!
- Aea saeute Bepi!