Sparagna che 'a gata magna
Fameja Alpina > Toni e Bepi
Toni e Bepi
di Isidoro Perin
Sparagna che ’a gata magna
- Ciao Toni! Bevetu un’onbra?
- Grassie Bepi!... Auguri de Bone Feste!
- ... E ànca de Bon Ano!
- Ghe n’é chi che dise che ’l sarà un ano un fià mèio del domiequatordese!
- Chealtri invesse dise el contrario!
- Dipende se ’i é de destra, o de sinistra, o de centro-destra, o de centro-sinistra...
- ... O sentài su do careghe o magari ànca su tre!
- Me piasaria saver come che ’i fa a magnar tuti chei s-chei che te sente dir, che mi non savarìa gnanca contarli.
- Toni! Satu che difarensa che passa tra un che à diese fiòi e uno che diese milioni de Euro?
- No!...
- Chi che à diese fiòi... ’i ghe basta!!!
- Noaltri se mete via un s-cheo àa volta, un sora quealtro, vardando de sparagnar...
- Vedetu?... Noaltri saven sparagnar, lori sa magnar.
- Noaltri ’i me à insegnà cussì!
- lori invesse ’i é pì bravi, ’i à inparà sensa insegnarghe!
- Ah!... Ma da ’stano che vien ’e robe canbia! Rensi l’à dita che chi che roba va in gaèra.
- Bona questa!... Cussì ciapén ànca ’a multa dall’ Europa parchè se trovén coe carceri massa piene!
- Métea come che te vol Bepi, ma a pagar me poca senpre noaltri pori cani.
- Bon ano Toni, e speren che ’st’ano che vien se posse parlar de zente onesta.
- Se ’a va ’vanti cussì me sa che me tocarà tàser! Àea saeute Bepi!