Induvina (se ti si bon)!
Fameja Alpina > Toni e Bepi
Toni e Bepi
di Isidoro Perin
Induvina (se te si bon)!
- Ciao toni!... Proprio ti! Satu dirme che difarensa che passa tra ’l Papa novo e i nostri poitici?
- No savarìa!?
- El Papa Francesco prima l’à girà ’l mondo e dopo l’è deventà Papa, i nostri invesse, prima e se à ciapà ’a carega e dopo ’i se à sentà comodi.
- Bepi, pensetu che canbie calcossa st’ano che vien?
- L’unica roba che canbia intant l’è el nome dée tasse, ma i s-chei da pagar ’i senpre de pì.
- Ma se ’i à dita che ’i è sbassa, ’e tasse!
- Mi ghe crede quando che ’a me pensiòn ’a conta calcossa pì de dess. Intanto co’ l’ano novo ’i à aumentà i treni, ’e autostrade…
- Ahh, ma quèe no le è mia tasse! A proposito de treni, te à sentì che casotto coi orari?
- No stame dir! Me niora prima de ciapàr el treno par ’ndar lavorar ’a ghe inpissa un lumin a sant’Antonio da Padova parché el ghe iute a far rivar el trano in orario almanco tra Venessia e Mestre: l’altro dì ’a iera ’na disperassion: ’i à tirà via tre vagoni e cussì tuti in piè e ànca al fredo. E po’ treni che se ronpe…
- Ma l’assessor l’à dita che ’l treno se à rot par colpa del fredo.
- Ahh! Adess capisse parché i nostri Alpini dopo Nikolajewka, ghe à toca vegnér casa a piè!
- E noaltri se se lagna par ’ste monàe qua.
- Auguri toni! E che l’ano novo porte un fià de lavoro pai nostri fiòi!
- E che par ’ndar lavorar ’i posse ciapàr un treno che funsione!
- Pae tasse n’inporta, tanto vive ben ànca che che no è paga, ansi!
- Àea saeùte e bon ano Bepi, a ti, a mi e a tuti i Alpini Veci e Bocia!